هل تعلم ان طنطا عاصمة مصر

إثبات ان طنطا عاصمة مصر :

زماااان طنطا كانت عاصمة التجاره فى العالم - وكان بيجيلها التجار من كل مكان صحراً كان او بستان - وكان الطنطاويين بيسألوا كل تاجر "جبت إيه معاك يا موكوس" - بس باللهجه الطنطاويه بيضيفوا الألف قبل كلمة جبت فتبقى إجبت وعندك السبرباويين وبعض العزب بيعطشوا الجيم وبيجوعوها كمان - فمن هنا وهناك جت تسمية مصر ب "إيجيبت"
العرب كلهم بيقولوا "جبت إيه معاك يا موكوس" بس الطنطاويين بيقولوا " إيه جبت معاك يا موكوس" ومن هنا جت كلمة ايجيبت

من عظمة طنطا

انها لا تقبل ال التعريف لإنها معروفه بذاتها وحمصها وحلاوتها ومورتتها ومدلعتها وكافيهاتها- يعنى مينفعش تقول الطنطا وعلشان كده طنطا عاصمة مصر

هل تعلم ان تسلا كان من طنطا واسمه الأصلى حوده الحرامى - وسرق دهب الست ام عبده وطفش - وعلشان كده دعت عليه وقالتله تسلا ما توعى يا بعيد - وعلشان كده مات متمرط وابحاثه اتسرقت لان اصلها حرام - ولو شقلبت اسم تسلا هيبقى الست وده نسبه للست ام عبده - لانهم زمان فى طنطا اللى كان بيسرق من حد كانوا بيشقلبوا اسم المسروق منه ويلزقوه فى الحرامى - يعنى لو سرقت من رانيا يبقى اسم شهرتك اينار

ليه طنطا تبقى عاصمة مصر :

1- علشان خاطرى
2- اسمها حلو وسهل فى النطق لكل الجنسيات
3- عندنا مطار وموقف ميكروباصات بيربط طنطا بالعالم
4- مش بناكل شاندوتشات مكرونه
5- طنطا بلد الكرم اللى عزمت القطر
6- كل الناس سالكه ف طنطا
7- عندنا حلويات مش هتلاقوها ف اى مكان غير عندنا
8- عندنا مناطق ترفيهيه ومراجيح فى شارع 306 ف الاستاد
9- البلد كانت فى نعيم لما طنطا كانت العاصمه
10- عندنا حمص وحلاوه ومدلعه
11- ابو صلاح من عندنا وكمان امبابى من شارع امبابى
12- عندنا ترعة الشيتى اللى تعتبر مصيف وخاليه من البلهارسيا
13- عندنا حمص وحلاوه
14- كل العالم بيحب طنطا ما عدا شخص واحد
15- طنطا فيها بحر ونهرين وبحيرة البجعه
16- عندنا اكبر كمية مطاعم وكافيهات فى العالم والعدد فى اللمون
17- اكبر بلد فيها غرز اكل بيتى
18- عندنا رانيا المدنى ودى احسن واحده بتعمل اكل عيانين وبتقول عليه أكل صحى وعافيه
19- عندنا أسماء الصواف ودى بتعمل حلويات باسعار الساحل الشمالى
20- عندنا مريم سمعان ودى فاتحه اكبر غرزه للعطور ومستلزمات نقاشة وشوش النسوان وبتبيع نشوق
21- عندنا مطعم ليفرفول اللى بيبيع احسن فول وطعميه وبطاطس مقليه وبطاطا مخليه
22- عندنا غيطان لسياحة الحمير والعجول
23- تمتلك طنطا اكبر صندوق سمادى فى العالم
24- عندنا سور طنطا العظيم اللى بيقسم شارع البحر ل 3 حتت
25- عندنا نادى طنطا متصدر الدورى
26- سوق الجمله اللى هتلاقى فيه من النمله للنحله
27- طنطا مركز مصر وافريقيا والعالم السفلى
28- احنا اللى عملنا قواعد وسملات الاهرامات
29- احنا اللى عملنا مفصلات باب المندب
30- طنطا ترحب بالزائرين وتقبل اللاجئين من المحافظات التانيه
31- اسهل تأشيره واسهل جمارك
32- عندنا نصين اثار العالم
33- ارخص ملابس ف مصر
34- عندنا سد البهجه اللى بيحتجز وراه 77 برميل ميه معنويه و19 كيلو بلطى وقراميط بالسلطات والطحينه وبينتج كهربا كافيه لشحن 39 موبايل
35- تمتلك طنطا اكبر صندوق سباخى فى العالم
36- لهجتنا يعرفها الكل من المحيط لشارع بهيج
37- بلد رضا البحراوى اشهر مطرب شعبى ف العالم السفلى
38- اغنى مدينه ف مصر
39- عندنا كيلو البساريا ب 25 جنيه
40- فى طنطا الدنيا ربيع والجو بديع وبنتكلم فى كل المواضيع
41- عندنا جامعة طنطا اللى مصنفه رقم 1 فى طنطا والمحله
42- عندنا بورتو المرشحه
43- طنطا هى اللى حاربت وانتصرت فى 6 اكتوبر وحررت الأرض ونشرت فيها الحمص والسلام
44- بلد ابو صلاح
45- مش بناكل شاندوتشات مكرونه
46- بنقول جنيه وسجق وطعميه وأستيكه عادى ومش بنقول أيوووووه
47- سنتكفل ببناء الدوار الجمهورى وسط غيطان الكرنب علشان الريس يقوم الصبح يشم هوا نضيف ويتفرج على اسراب البط وهى نازله الترعه - واهو برضه طباخ الدوار يعمل له الفطار ويقطف كرنب ويسلق له بطايه ترم عضمه مع حلة محشى ويسقسه فى دهنه سايحه وممكن برضه يعزم زمايله الرؤساء والملوك واحنا هنقوم معاهم بالواجب ونرجعهم بلدهم شايلين ومحملين حمص وحلاوه من طنطا
50- هنعمل مطار رئاسى محدش شافه قبل كده - وهيبقى وسط مزارع التفاح فى شبرا النمله - واهو برضه الريس يقطف له شوية تفاح وهو رايح زيارات خارجيه علشان مينفعش يدخل على الملوك بإيده فاضيه وبرضه يوفر عمله بدل ما يكرمش لرئيس دوله ورقه بعشين دولار لما مراته تقوم بالسلامه ولا ينقط خمسين دولار فى فرح بنت ملك - ولعلمك بقى التفاح ينفع فى كل المناسبات حنه افراح نقوط ولاده طهور
51- معندناش بيروقراطيه فى المصالح الحكوميه

52- عندنا كوبرى المعرض اللى ينفع يبقى زوحليقه سياحيه

الفلاحين فى قحافه والحطابين فى سيجر والصيادين فى ترعة القاصد والسواقين على سكة العجيزى يؤيدون طنطا عاصمة مصر
ماهو يا يتوافقوا ان طنطا عاصمة مصر يا اما هتبقى مصر عاصمة طنطا