متصفح طنطا
متصفح طنطا هو أول ابليكشن تصفح وتسنكح وتسلطن طنطاوى مصرى عربى افريقى شرق أوسطك. وهو المتصفح الوحيد بتصميم عجيب غريب ومتعرفلوش ديل من رجلين وملوش ماسكه. ولما تستخدمه تبقى مش عارف انت رايح ولا راجع ولا حالتك إيه. بس هنقول انه احسن متصفح علشان محدش ياخد باله وخلوها سر بيننا علشان الحسد. , متصفح طنطا - أول متصفح ينافس نفسه وابن خالته
الإصدار :
التقييم :
هل يمكن استخدام الابليكشن بدون تثبيت :
1.0
تحميل :
عدد المشاهدات والتحميلات
:كتير
تثبيت :
تثبيت
تحديث :
تحديث
فتح الأبليكشن
فتح إعدادات الأبليكشن
مثبت ومحدث وأخر ألسطه
فتح الأبليكشن
فتح إعدادات الأبليكشن
مكانش انعذر ولا جاله قصر نظر وطفح 3 كيلو جزر , لازمن ولا بد موبايلك يتشرف بتثبيت الأبليكشن
تفاصيل الأبليكشن :
مقدمه قديمه متقدمه مقدماً :
بتستخدم متصفح كويس ومرتاح معاه وشغال وبيقضى الغرض بس انت غتت أوى وغاوى تتعب نفسك وتستخدم متصفح زباله يقرفك معاه ويطلع عينك وعين خالك الوسطانى اللى شبه الملوانى.
ما هو "متصفح طنطا" ؟
هو ابليكشن تصفح تقدر تتصفح بيها الصفحات المصفحه المتصفحه المصحصحه اللى انت عاوز تتصفحها واللى هنسمحلك تتصفحها حسب صحيفة تصفحك.
ولو مفهمتش حاجه من الكلام اللى فوق ده يبقى عادى , لإن انا قاصد انك متفهمش حاجه لإن انا اساساً مش فاهم ليه الفهم عديم المفهوميه مفيهوش خربوش ملوخيه.
ما هى مميزات متصفح طنطا ؟
متصفح طنطا مكبوس ومتروس مميزات وخد عندك :
1- لما بتفتح المتصفح بيفتح معاك عادى جداً بس لما بتيجى تفتح اى صفحه بيفتحها برضه فى وشك يا بعيد.
2- عملنالك إشارة مرور فى المتصفح علشان تعرف النت شغال ولا بطال - لما اشارتك تبقى خضرا زى راس الكرنبه يبقى النت شغال وعال العال - إنما لما تكون إشارتك لا مؤاخذه حمرا يبقى اخوك الرخم فصل عنك الخط وننصحك تقوم ترنه علقه - وممكن يكون النت فصل علشان انت نتن ومستخسر تجدد الباقه اللى الشركه مقرطساك وبتخنصر نصها منك.
3- لو فتحت اكتر من صفحه ممكن ترجع للخلف دور يا ابو بدور وممكن تطلع قدام يا ابو صدام.
4- لو قفلت المتصفح هيتقفل معاك عادى ومش هيتقمص - بس خلى بالك احسن تقفله على صباعك يا موكوس - وياريت تطفى النور وانت طالع علشان فاتورة الكهربا بتيجى بالشئ الفلانى وخد الزباله ف ديلك وانت نازل.
5- المتصفح خفيف ظريف لطيف ومساحته صغننته زى مساحة عقل ابنك الرخم اللى محدش طايقه وانت لوحدك اللى فاكر انه عسل ودمه خفيف.
6- المفاجأه بقى : لو كتبت رابط موقع وضغطت زرار اذهب والقلب داعيلك - هيذهب ونفس الموقع هيفتح معاك ومش هيفتحلك موقع تانى خالص.
7- ممكن تشغل فيديوهات وصوتيات وجعوريات
9- ممكن تعمل ريفريش للصفحه.
10- ممكن تشوف الموقع او الصفحه بنسخة كمبيوتر - اى انك ممكن تشوفها ويكإنك فاتح جهاز كمبيوتر بالظبط والخاصيه دى مش موجوده غير عندنا احنا بس وفى كل المتصفحات المنافسه والمنفسنه.
لماذا يا هذا تستخدم متصفح طنطا :
1- علشان خاطرى
2- قاعد فاضى وصايع ومش لاقى حاجه تعملها
3- غاوى وجع قلب وفشه وكلاوى
5- علشان احنا نستفاد منك - بص هو احنا لسه مش عارفين هنستفيد ازاى بس خلى عندك دم واستخدم المتصفح يا موكوس وكسة الجاموس اللى قرصه ناموس كان قارص راموس
ما فائدتها ؟
معرفش, بس لو انت لقيت لها فايده ابقى قول قبل ما تفطر فول.
شارك الأبليكشن على الزوشيال ميديا :
تعليقات
إرسال تعليق