أبليكشن بوروروم
ابليكشن بوروروم هو أول ابليكشن ترفيهى طنطاوى ومش بس ابليكشن ده موقع كمان يعنى مش هتحتاج تحمل الأبليكشن - فقط ادخل الموقع برجلك اليمين وسجل برجلك الشمال وابدأ على طول بصوتك المسرسع - فكرة الهبليكشن اننا هنحط قدامك جمل نطقها صعب ولو عرفت تنطقها صح تبقى برنس وتكسب نقط - أما لو طلعت خيبتها وموكوس ومنيل على عينك فمتخافش مش هنخصم منك نقط بس هنظرفك إعلان - طب دلوقتى انت كسبت نقط هتستفيد منها فى إيه !!! ممكن تعمل بيها إعلانات تطلع للموكوسين اللى مش هيقولوا الجمله صح وممكن تحولها لحد تانى لو انت معندكش حاجه تعلن عنها , أبليكشن بوروروم الترفيهى التسفيهى
الإصدار :
التقييم :
هل يمكن استخدام الابليكشن بدون تثبيت :
1.1
تحميل :
عدد المشاهدات والتحميلات
:كتير
تثبيت :
تثبيت
تحديث :
تحديث
فتح الأبليكشن
فتح إعدادات الأبليكشن
مثبت ومحدث وأخر ألسطه
فتح الأبليكشن
فتح إعدادات الأبليكشن
إيوه أومال ورابط الموقع هنا اهوت : موقع بوروروم الترفيهى
تفاصيل الأبليكشن :
ما هو "أبليكشن بوروروم" ؟
هو ابليكشن ترفيهى تسفيهى تخريفى وفكرته إننا هننفحك جمله صعبة النطق والمنال وهتلاقى زرار أصفريكا لما تدوس عليه هيتفتح ميكروفون موبايلك والمطلوب منك انك تقول الجمله صح الصح بالكلمه والحرف المقرمش بس خليلى حته. ولو قولتها صح هننفحك كوبشة نقط ممكن تستخدمها بعدين فى عمل اعلانات على الموقع ولو معندكش حاجه تعلن عنها ممكن تبيعها من خلال خاصية تحويل النقط , هتحتاج بس رقم الشخص اللى انت عاوز تحوله نقط وعملية التحويل بتكون سهله جداً وهتلاقى صفحه تانيه فيها كل التحويلات اللى قمت بيها والنقط اللى كسبتها ,
أما بقى لو طلعت موكوس وغلطت فى نطق الجمله , فهنظرفك إعلان فى نص موبايلك.
وممكن تحاول اكتر من مره, يعنى لو فشلت ممكن تحاول تانى وخامس والف وألفين
ولو نجحت , ممكن برضه تعيد المحاوله وتكسب أكتر من مره من نفس البرورورمبارايه
وده الإسم اللى بنقوله على الجمله اللى هتتشملل وتقولها
ليه اخترت اسم بوروروم ؟
هو كان فيه أسامى تانيه بس كانت سهلة النطق وانا مزاجى اتوهكم معايا واجيبلكم توخولف فى عقولكم وعجولكم.
ما فائدتها ؟
ولا أى حاجه واهو اى هبل وتفاهه وخلاص.
شارك الأبليكشن على الزوشيال ميديا :
تعليقات
إرسال تعليق