متصفح طنطا هو أول ابليكشن تصفح وتسنكح وتسلطن طنطاوى مصرى عربى افريقى شرق أوسطك. وهو المتصفح الوحيد بتصميم عجيب غريب ومتعرفلوش ديل من رجلين وملوش ماسكه. ولما تستخدمه تبقى مش عارف انت رايح ولا راجع ولا حالتك إيه. بس هنقول انه احسن متصفح علشان محدش ياخد باله وخلوها سر بيننا علشان الحسد.   , متصفح طنطا - أول متصفح ينافس نفسه وابن خالته

 ابليكشن الزريبه هو أول ابليكشن شوبينج وتسوق طنطاوى أونلاين ومش بس ابليكشن ده موقع كمان يعنى مش هتحتاج تحمل الأبليكشن - فقط ادخل الموقع بالورب وسجل بقفاك وابدأ استمتع بالتسوق وسط زقزقة البهايم وصوصوة الحمير - فكرة الهبليكشن انك هتشترى منتجات وحاجات ومحتاجات ومش هتدفع أى فلوس واحنا مش هنوصلك أى أوردر   , أبليكشن الزريبه - بعزق فلوسك أونلاين

 ابليكشن بوروروم هو أول ابليكشن ترفيهى طنطاوى ومش بس ابليكشن ده موقع كمان يعنى مش هتحتاج تحمل الأبليكشن - فقط ادخل الموقع برجلك اليمين وسجل برجلك الشمال وابدأ على طول بصوتك المسرسع - فكرة الهبليكشن اننا هنحط قدامك جمل نطقها صعب ولو عرفت تنطقها صح تبقى برنس وتكسب نقط - أما لو طلعت خيبتها وموكوس ومنيل على عينك فمتخافش مش هنخصم منك نقط بس هنظرفك إعلان - طب دلوقتى انت كسبت نقط هتستفيد منها فى إيه !!! ممكن تعمل بيها إعلانات تطلع للموكوسين اللى مش هيقولوا الجمله صح وممكن تحولها لحد تانى لو انت معندكش حاجه تعلن عنها   , أبليكشن بوروروم الترفيهى التسفيهى

 ابليكشن نبض المصاطب هو أول ابليكشن إخبارى طنطاوى ومش بس ابليكشن ده موقع كمان وده وصف فى الجون لإنه موقع الناس فى بعضها - وهتلاقى فيها أخبار طنطا بالقرى والعزب المجاوره ومش بعيد تلاقى اخبارك انت كمان يا منيل على عينك  , جريدة نبض المصاطب الطنطاويه الإلكترونيه

 ابليكشن طنطا بلاى هو أول اب ستور ومش بس اب ستور ده اخ ستور وعم ستور كمان - هتلاقى عندنا لوكشه من أجود الأبليكشنات ذات جوده عاليه تم برمجتها تحت بير السلم بأيدى صنايعيه محترفين مش عارفين هما واكلين ولا جعانين, تم عمل هذا البتاع لنضع طنطا على طرف خريطة البرمجه الشعبيه العالميه وهو أول آب ستور فى طنطا والقرى والعزب المجاوره , طنطا بلاى الأفضل فى سبرباى